යාල කැලයේ කලු දිවියකු සිටින බවට පළමු වරට වාර්තා වීමත් සමග මේ වනවිට විශාල පිරිසක් එම සතා දැක බලා ගැනීමට යාල ප්රදේශයට පැමිණෙමින් සිටින බව වාර්තා වේ.
ඒ අනුව ඇතැම් අවස්ථාවල සෆාරි ජිප් රථ 100ත් 200ත් අතර ප්රමාණයක් එම සතා ගැවසෙන කලාපය වට කොට සිටින බව දැනගන්නට තිබේ. මෙම සතා තවමත් පැටවකු බවත්, මව් සතා සමග ඌ මෙම කලාපයේ සැරිසරන බවත් පැවසේ.
කෙසේවෙතත් පරිසරවේදීන් සදහන් කරන්නේ මේ ආකාරයට රංචු පිටින් පැමිණීමෙන් එම සතාගේ චර්යාවට බාධාවක් විය හැකි බවකි.