ගාල්ල සිට මරදාන බලා ධාවනය වූ සමුද්රදේවි දුම්රිය උතුරු කළුතර ප්රදේශයේ දී එන්ජිම මැදිරිවලින් වෙන්වී ධාවනය වීමේ පුවතක් වාර්තා වනවා.
දුම්රිය බලධාරීන් සඳහන් කළේ, උතුරු කළුතර සහ නොම්මර 01ක දුම්රිය ස්ථාන අතර මාර්ගයේ දී එම සිදුවීම අද (09) උදෑසන සිදුව ඇති බවයි. දුම්රියේ එන්ජිම දුම්රියෙන් ගැලවී ගොස් කිලෝමිටරයක පමණ දුරක් ධාවනය වී ඇති බවයි වාර්තා වන්නේ. නියාමක මැදිරියේ කප්ලිමට ඉහළින් දුම්රිය එන්ජිමේ කප්ලිම පැනීම හේතුවෙන් එය සිදුව ඇති බවට අනාවරණය වී ඇත.
දුම්රිය දෙපාර්තමේන්තුව සඳහන් කළේ, මිනිත්තු 15ක පමණ කාලයකින් පසු යළිත් දුම්රිය එන්ජිම සවිකිරිමෙන් පසු එම දුම්රිය මරදාන බලා ධාවනය කිරීමට කටයුතු කළ ඇති බවයි.
සමුද්රදේවි දුම්රියේ උතුරු කළුතර ප්රදේශයේ දී එන්ජිම මැදිරිවලින් ගැලවී ධාවනය වන අයුරු CCTV කැමරාවල සටහන්ව තිබුණි.