පොලී අනුපාත පහළට . . .

ශ්‍රී ලංකා මහ බැංකුවේ මුදල් මණ්ඩලය ඊයේ (31) පැවැත්වූ රැස්වීමේදී මුදල් ප්‍රතිපත්තිය ලිහිල් කිරීමට තීරණය කර තිබේ.

ඒ අනුව නිත්‍ය තැන්පතු පහසුකම් අනුපාතිකය සියයට 13 දක්වාත් නිත්‍ය ණය පහසුකම් අනුපාතිකය සියයට 14 දක්වාත් අඩු කිරීමට ශ්‍රී ලංකා මහ බැංකුවේ මුදල් මණ්ඩලය කටයුතු කර ඇත.

ඉදිරියේදී මෙරට උද්ධමනය පහළ යනු ඇතැයි ශ්‍රී ලංකා මහා බැංකුව පුරෝකථනය කර තිබෙන බවත් උද්ධමනය තනි අගයක් දක්වා පැමිණෙනු ඇතැයි  පුරෝකථනය කළ කාල වකවානුවට වඩා ඉක්මණින් මෙරට උද්ධමනය තනි ඉලක්කමක් දක්වා පැමිණෙනු ඇතැයි මහ බැංකුව පෙන්වා දී තිබේ.මැයි මාසය අවසන් වනවිට මෙරට නිල විදෙස් සංචිත ප්‍රමාණය ද අමෙරිකානු ඩොලර් බිලියන 3 ඉක්මවා ඇතැයි ඇස්තමේන්තු කර තිබෙන බවත් එයට චීනය ලබා දුන් විදේශ මුදල් හුවමාරු ණය පහසුකමද ඇතුලත් වන බවත් මහ බැංකුව පවසයි.

• විමුක්ති එස් රුද්‍රිගු