බම්බලපිටිය දුම්රිය ස්ථානය ආසන්නයේ ඩ්රෝන යානාවක් අනවසරයෙන් ගුවන් ගත කළ සරසවි සිසුවෙකු ගුවන් හමුදාව විසින් අත්අඩංගුවට ගෙන ඇත.
මෙලෙස අත්අඩංගුවට ගෙන ඇත්තේ නොරොච්චෝලේ ප්රදේශයේ පදිංචි පෞද්ගලික විශ්ව විද්යාලයක ඉගෙනුම ලබමින් සිටින (22) හැවිරිදි තරුණයෙකි.
මෙම තරුණයා ඊයේ (05) රාත්රියේ දුම්රිය පොළ ආසන්නයේ ඩ්රෝන යානාවක් ගුවන් ගත කරමින් සිටියදී. බම්බලපිටිය ඕෂන් ටවර් ගොඩනැගිල්ලේ පිහිටි ගුවන් හමුදා මුරපොළේ කණ්ඩායමක් විසින් මොහු අත්අඩංගුවට ගෙන ඇත.
සැකකාර සරසවි සිසුවාගෙන් ප්රශ්න කිරීමේදී පවසා ඇත්තේ බම්බලපිටියේ අවන්හලකට වසරක් පිරීම නිමිත්තෙන්, එය සැමරීම සඳහා මෙලෙස ඩ්රෝන යානා ව ගුවන් ගත කළ බවයි.
සරසවි සිසුවා සහ ඔහු භාරයේ තිබූ ඩ්රෝන යානාව බම්බලපිටිය පොලිසියට බාර දී ඇත.