ජනාධිපති රනිල් වික්‍රමසිංහ ට තම සංගමය විසින් ඉදිරිපත් කරන ලද ලිපියට අවධානය යොමුකර සාකච්ඡාවක් ලබා දීමට කටයුතු කරනු ඇතැයි විශ්වාසය පළ කරන බව රජයේ වෛද්‍ය නිලධාරීන්ගේ සංගමය සඳහන් කරයි.
පොරොන්දු ඉටු නොකළහොත් වෘත්තිය සමිති එකමුතුව විසින් එළඹෙන අඟහරුවාදා රැස්වී දැඩි ක්‍රියාමාර්ග ගැනීමට තීන්දු කරන බවද සංගමයේ ලේකම් වෛද්‍ය හරිත අලුත්ගේ කියා සිටියේය.
රජයේ ආදායමට හානි නොවන ලෙස බදු සංශෝධන සිදු කිරීමට බාධාවක් නැති බව ජාත්‍යන්තර මූල්‍ය අරමුදල පැහැදිලිව පවසා තිබියදී රජයේ ඒ පිළිබඳව නොසලකා හැර ඇති බව ද ලේකම්වරයා චෝදනා කරයි.
ජුනි මාසයේ දී මෙම සංශෝධන සිදු කරන බව ජනාධිපති වරයා දුන් පොරොන්දුව ඉටු වන බවක් දක්නට නැතැයි ද පවසන ඔහු සම්බන්ධයෙන් ජාත්‍යන්තර මුල්‍ය අරමුදල සමග සාකච්ඡා කළ බවත් කියා සිටී.
ජනාධිපතිවරයා විසින් සාකච්ඡාවක් ලබා දීමට කටයුතු කරනු කරන්නැයි ලිඛිත ඉල්ලීමක් කළ බවද අලුත්ගේ තවදුරටත් කියා සිටියේය.
Janamina Sri Lanka Rupee Exchange Rate