හෙට (15) සිට මාර්ගගත ක්රමය (Online) ඔස්සේ විදෙස් ගමන් බලපත්ර නිකුත් කිරීමට අදාළ වැඩපිළිවෙල ආරම්භ කරන බව මහජන ආරක්ෂක අමාත්ය ටිරාන් අලස් පවසයි.
අමාත්යවරයා සඳහන් කළේ, ජනාධිපති රනිල් වික්රමසිංහ ගේ ප්රධානත්වයෙන් එහි සමාරම්භක වැඩසටහන හෝමාගම ප්රදේශීය ලේකම් කාර්යාලයේ දී සිදුකිරීමට නියමිත බවය.
මහජනතාවට වඩාත් පහසුවෙන් විදේශ ගමන් බලපත්ර ලබාගැනීමට අවස්ථාව සලසාදීමේ අරමුණින් මෙම වැඩපිළිවෙල ක්රියාත්මක කරන බව ටිරාන් අලස් අමාත්යවරයා පැවසීය.
නව වැඩපිළිවෙල යටතේ අයදුම් කර දින තුනක් ඇතුළත විදේශ ගමන් බලපත්රය කුරියර් සේවාවක් හරහා නිවසටම ගෙන්වා ගැනීමේ හැකියාව පවතින බවද අමාත්යවරයා කියා සිටියේය.
කෙසේ වෙතත් ආගමන හා විගමන දෙපාර්තමේන්තුවේ විදේශ ගමන් බලපත්ර ලබාදීමේ එක්දින සේවාව ද සාමාන්ය පරිදි තව දුරටත් ක්රියාත්මක වන බව ටිරාන් අලස් අමාත්යවරයා වැඩිදුරටත් පැවසීය.
- Sewvandi