අනුරාධපුර ඓතිහාසික ජය ශ්රී මහා බෝධීන් වහන්සේ ඇතුළු අටමස්ථාන වැඳ පුදාගැනීමට පැමිණෙන බැතිමතුන්ගේ පහසුව සඳහා අනුරාධපුර ප්රධාන දුම්රිය ස්ථානයේ සිට ජය ශ්රි මහා බෝධීන් වහන්සේ දක්වා විශේෂ බස් රථ සේවාවක් අද (අගෝ. 30) සිට ආරම්භ කර ඇත.
අටමස්ථානාධිපති පූජ්ය පල්ලේගම හේමරතන නාහිමිපාණන් වහන්සේ විසින් ප්රවාහන හා ජනමාධ්ය අමාත්ය බන්දුල ගුණවර්ධනගෙන් සිදු කරන ලද ඉල්ලීමකට අනුව නිකිණි පොහොය නිමිති කර ගෙන එම බස් රථ සේවාව ආරම්භ කර ඇති බව අප වාර්තාකරු සඳහන් කළේ ය.
මෙම බස් සේවාව රුපියල් පනහක් වැනි මුදලකට එක් අයෙකුට ගමන් කළ හැකි බව ත් සිකුරාදා, සෙනසුරාදා හා ඉරිදා ඇතුළු ව පොහෝ දිනයන්වලදී මෙම බස් රථ සේවාව බැතිමතුන් වෙනුවෙන් ක්රියාත්මක කරනු ඇත.
ලංකා ගමනාගමන මණ්ඩලය හා දුම්රිය දෙපාර්තමේන්තුව එක්ව මෙම වැඩපිළිවෙළ ක්රියාත්මක කරයි.
- අමිල ප්රභාත්, පර්සි කුරුනේරු