රත්නපුර ප්‍රදේශයේ මැණික් ඉඩම් විදේශිකයන්ට විකුණා දැමීමේ සූදානමක් ඇති බවත් ඒ සම්බන්ධයෙන් සැලසුම් ක්‍රියාත්මක කිරීමට බලධාරීන් උත්සාහ ගන්නා බවත් ලංකා මැණික් ව්‍යාපාරිකයන්ගේ හා පතල් කරුවන් ගේ මහා සංගමය සහ ගොවිජන එකමුතුව සඳහන් කරයි.
රත්නපුර මැණික් ව්‍යාපාරික ප්‍රජාව හා පතල්කරුවන් දැනුවත් කිරීමේ සම්මන්ත්‍රණයක් රත්නපුර නගර ශාලාවේ පැවති අවස්ථාවේදී ඔවුන් මෙම අදහස් පල කලහ.
ජාතික මැණික් හා ස්වර්ණාභරණ අධිකාරි පනත පතල් හා ඛනිජ පනත යන දෙකම අහෝසි කර විදේශිකයන්ට අවශ්‍ය ආයෝජන ඇති කිරීමට රජය කටයුතු කරමින් සිටින බව ජාතික ගොවිජන පෙරමුණේ සභාපති අනුරාධ තෙන්නකෝන් එහිදී පැවසීය.
යුධ බිමේ සිට කැපී පෙනුණු දැනට විශ්‍රාමික හමුදා නිලධාරියෙනකු මේ වන විට තායිලන්තයේ මැණික් ව්‍යාපාරික සුපිරි කෝටිපතින් දෙදෙනකු සමඟ මේ පිළිබඳව සාකච්ඡා කර ඇති බව ද ඔහු පැවසීය.
මේ පසුපස හිටපු දේශපාලන ප්‍රබලයකු හා ඔවුන්ගේ පුතුන් ද සිටින බව හෙතෙම වැඩිදුරටත් කියා සිටියේය.
Janamina Sri Lanka Rupee Exchange Rate