ගම්පහ මහ නගර සභාවේ හිටපු පුරපති එරංග සේනානායක විසින් පැවති මන්ත්රී මණ්ඩලයේ අනුමැතිය මත 2022 වසරේදී නගර සභාවෙහි ගොඩනැගිලිවල වහල මත සූර්ය පැනල සවිකිරීමට ගනු ලැබූ තීරණය හේතුවෙන් විදුලි බිල බින්දුවට පත් කිරීමට හැකිව ඇති බව ගම්පහ මහ නගර සභාවේ නාගරික කොමසාරිස් ලෝචනා බාලසූරිය සදහන් කරයි.
විදුලි බිල වැඩිවීමට පෙරදී මාසික විදුලි බිල ලෙස නගරසභාවට රුපියල් ලක්ෂ හයක් පමණ ගෙවීමට සිදුව ඇති අතර සූර්ය පැනල නොවූයේ නම් එය මේ වනවිට තෙගුණයක් වීමට ඉඩ තිබුණ බවත් මෙය නගර සභාවට විශාල සහනයක්ව ඇති බවත් ඇය වැඩිදුරටත් සඳහන් කළේය
නගර සභාවට විදුලි බිලෙන් මෙලෙස නිදහස්වීමට හැකිවීම පිළිබඳව ගම්පහ දිසාපති සමන් දර්ශන පාඩිකෝරාල ට සැලවීම මත නාගරික කොමසාරිස්වරිය අමතා මේ සම්බන්ධයෙන් තොරතුරු විමසා ඇති අතර දිසාපතිවරයා සදහන් කර සිටියේ , ගම්පහ මහ නගර සභාවේ මෙම කටයුත්ත ඉතා අගය කළ යුත්තක් බවත් මෙය ආදර්ශයට ගෙන සෙසු ආයතනද සූර්ය පැනල මගින් විදුලිය නිපදවා ගැනීමට යොමුවීම වැදගත් බවත් ඉදිරියේදී දිස්ත්රික් ලේකම් කාර්යාලයද මීට යොමුවීමට පියවර ගන්නා බවත්ය.