මධ්‍යම පරිසර අධිකාරියේ සභාපති සුපුන් ශෂේන්ද්‍ර පතිරගේ ඇතුළු තිදෙනෙක් අල්ලස් කොමිසමේ නිලධාරීන් විසින් මධ්‍යම පරිසර අධිකාරියේ කාර්යාලයේදී ඊයේ (10) පස්වරුවේ අත්අඩංගුවට ගෙන තිබේ.
ඒ මධ්‍යම පරිසර අධිකාරියේ ව්‍යාපෘතියක් සඳහා රුපියල් කෝටියක අල්ලස් මුදලක් ලබාගැනීමට යෑමේධීය.
අත්අඩංගුවට ගනු ලැබූ පිරිස අතර රියදුරෙකුද සිටින අතර අල්ලස් කොමිෂන් සභා ආරංචි මාර්ග අනුව අල්ලස් ගැනීම සම්බන්ධයෙන් මේ වසරේ අත්අඩංගුවට ගනු ලැබූ ඉහළම රජයේ නිලධාරියා මධ්‍යම පරිසර අධිකාරියේ සභාපතිය.
සැකකරුවන් අද (11) අධිකරණයට ඉදිරිපත් කිරීමට නියමිතය.
අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීහු සිද්ධිය පිළිබඳව වැඩිදුර පරීක්ෂණ පවත්වති.
සුපුන් ශෂේන්ද්‍ර පතිරගේ මධ්‍යම පරිසර අධිකාරියේ සභාපති ධුරය සඳහා පත් කර ඇත්තේ ජනාධිපති රනිල් වික්‍රමසිංහ විසිනි.
Janamina Sri Lanka Rupee Exchange Rate