පෙට්‍රෝලියම් නිෂ්පාදන වෙළෙඳාමේ නිරත ලොව ප්‍රමුඛ පෙළේ සමාගමක් වන එක්සත් ජනපදයේ RM Parks Inc. සමග ශ්‍රී ලංකා ආයෝජන මණ්ඩලය ගිවිසුමකට එළඹ තිබේ.
නිවේදනයක් නිකුත් කරමින් එම මණ්ඩලය මේ බව සඳහන් කර ඇත.
Shell නිෂ්පාදන ශ්‍රී ලංකාව තුළ අලෙවි කිරීම සඳහා මෙම ගිවිසුමට එළඹ ඇත.
ඒ අනුව, RM Parks Inc. සහ Shell එක්ව මෙරට ඉන්ධන පිරවුම්හල් 200ක් ක්‍රියාත්මක කිරීමට නියමිත අතර, ඉන්ධන පිරවුම්හල්වල mini-supermarkets සහ විද්‍යුත් වාහන ආරෝපණය කිරීමේ (EV charging) පහසුකම් ස්ථාපනය කෙරෙනු ඇති බව ආයෝජන මණ්ඩලය පවසයි.
අදාළ නිවේදනයේ වැඩිදුරටත් සඳහන් කර ඇත්තේ, මෙම ගිවිසුම ඩොලර් මිලියන 110ක වටිනාකමකින් යුතු බවය.
- Mawbima
Janamina Sri Lanka Rupee Exchange Rate