බන්ධනාගාර ලොකු පුටුවල වෙනසක් . . .

බන්ධනාගාර දෙපාර්තමේන්තුවේ ඉහළ නිලධාරීන් රැසකට ජනවාරි 1 වන දා සිට 5 වැනිදා දක්වා බලපැවැත්වෙන පරිදි නව තනතුරු හා ස්ථාන මාරුවීම් ලබා දී තිබේ.

බන්ධනාගාර කොමසාරිස්වරුන් දෙදෙනෙකු වන අතිරේක බන්ධනාගාර කොමසාරිස් ජනරාල් ටී.අයි. උඩුවර හා බන්ධනාගාර කොමසාරිස් සුනිල් කොඩිතුවක්කු යන නිලධාරීන් දෙදෙනා විශ්‍රාම යාම හේතු කොටගෙන මෙම නව පත් කිරීම් කර ඇත.

ඒ අනුව බන්ධනාගාර කොමසාරිස් කර්මාන්ත ලෙස කටයුතු කළ අජිත් බස්නායක බන්ධනාගාර කොමසාරිස් පාලන ලෙස ද බන්ධනාගාර කොමසාරිස් පුනරුත්ථාපන ලෙස කටයුතු කළ ගාමිණී බී. දිසානායක බන්ධනාගාර කොමසාරිස් මෙහෙයුම් හා බුද්ධි හා ආරක්ෂණ ලෙස ද පර්යේෂණ හා විශෝධන මධ්‍යස්ථානයේ ජ්‍යෙෂ්ඨ බන්ධනාගාර අධිකාරි ප්‍රසාද් හේමන්ත බන්ධනාගාර කොමසාරිස් සැපයුම් ලෙසද මැගසින් බන්ධනාගාරයේ හා බන්ධනාගාර මූලස්ථානයේ ජ්‍යෙෂ්ඨ බන්ධනාගාර අධිකාරි ජගත් වීරසිංහ බන්ධනාගාර කොමසාරිස් පුනරුත්ථාපන ලෙස ද වැලිකඩ බන්ධනාගාරයේ ජ්‍යෙෂ්ඨ බන්ධනාගාර අධිකාරි යූ.බී. වලිසුන්දර බන්ධනාගාර කොමසාරිස් කර්මාන්ත ලෙස ද පත් කර ඇත.

එමෙන් ම බන්ධනාගාර අධිකාරි හා සහකාර බන්ධනාගාර අධිකාරිවරුන් 14 දෙනෙකුට එසේ ස්ථාන මාරුවීම් ලබා දී ඇත.

ඒ අනුව වැඩ ආවරණ සහකාර බන්ධනාගාර අධිකාරිවරුන් ලෙස 11 දෙනෙකු නව පත්කිරීම් සමඟ මාරුකිරීම් කර ඇති අතර බන්ධනාගාර ප්‍රධාන ජේලර්වරුන් 20 දෙනෙකු ද ස්ථාන මාරුකිරීම් කර තිබේ.

• Kumudu Upul Shantha