ශ්රී ලංකාව ජාත්යන්තර මූල්ය අරමුදල සමඟ ඇති කරගත් ගිවිසුම සහ පවතින බදු ක්රමය ඉදිරි රජයකදී වෙනස් කරන බව සමගි ජන බලවේගය විසින් ජාත්යන්තර මූල්ය අරමුදලේ නියෝජිතයන් හමුවූ අවස්ථාවේ ප්රකාශ කළ බව පාර්ලිමේන්තු මන්ත්රී එස් එම් මරික්කාර් පැවැසීය.
මෙවැනි යෝජනා ජාත්යන්තර මූල්ය අරමුදලට ඉදිරිපත් කරන්න විපක්ෂ නායක සජිත් ප්රේමදාස ට සහ සමගි ජන බලවේගයට කොන්දක් තිබෙන බවත් මරික්කාර් සඳහන් කළේය.
ජනතා විමුක්ති පෙරමුණත් ජාත්යන්තර මූල්ය අරමුදලේ නියෝජිතයන්ව මුණ ගැසී තිබෙන බවත් නමුත් ජනතා විමුක්ති පෙරමුණේ නායක අනුර කුමාර එම නියෝජිතයන්ව හමුවී නැති බවත් ඔවුන් ජාත්යන්තර මූල්ය අරමුදලේ නියෝජිතයන් සමඟ කතා කළ දේවල් මාධ්යයට නිකුත් කර නැති බවත් මරික්කාර් පැවැසීය.
රටේ වර්තමාන තත්ත්වය පිළිබඳ ජාත්යන්තර මූල්ය අරමුදල සමඟ සාකච්ඡා කිරිමට සහ යෝජනා ඉදිරිපත් කිරිමට හැකි වන්නේ දැක්මක් , සෘජු ප්රතිපත්තියක් , සැලැස්මක් තිබෙනවානම් පමණක් බවද මරික්කාර් වැඩිදුරටත් සඳහන් කළේය.
- Media unit