චීනයේ දකුණුදිග යුනාන් ප්‍රාන්තයේ ඊයේ සිදුවූ නාය යෑමකින් පුද්ගලයන් 8 දෙනකු ජීවිතක්ෂයට පත් වී ඇතැයි ද, තවත් 47 දෙනකු අතුරුදන් වී ඇතැයිද විදෙස් මාධ්‍ය වාර්තා කළේය. ඊයේ අලුයම 5.51ට පමණ සිදු වූ මේ නාය යෑමට හේතුව කුමක්දැයි මෙතෙක් හෙළි වී නැති අතර, මෙහෙයුම් අඛණ්ඩව සිදු කිරීමටත්, අතුරුදන් වූ පුද්ගලයන් කඩිනමින් සොයා ගැනීමටත් චීන ජනාධිපති ෂී ජින්පින් නිලධාරීන්ට නියෝග කර ඇතැයි ද වාර්තා වේ.
දහසකට වැඩි ආපදා කළමනාකරණ කාර්ය මණ්ඩලයක් මේ වන විට නාය යෑම සිදු වූ පළාතේ මෙහෙයුම් කටයුතු ආරම්භ කර ඇති අතර, නිවැසියන් 500කට වැඩි පිරිසක් එම පළාතෙන් ඉවත් කර ඇතැයි ද වාර්තා වේ.
අතුරුදන්වූ පිරිසෙන් වැඩි දෙනා කුඩා දරුවන් සහ වැඩිහිටියන් බව පළාත් වාසීන් ප්‍රකාශ කර ඇති අතර, එම නාය යෑම භූ කම්පනයක් තරම් දරුණු අයුරින් දැනුණු බව ද සඳහන් කර ඇතැයි වාර්තා වේ.
- dinamina
Janamina Sri Lanka Rupee Exchange Rate