යුක්තියට පාතාලයන්ගෙන් අල්ලස් . . .

මත්ද්‍රව්‍ය ජාවාරම්කරුවන් හා පාතාලයන් සොයමින් සිදුකරන යුක්තිය මෙහෙයුම අල්ලස් ලබාදී නතර කිරීමට එම ජාවාරම්කරුවන් උත්සාහ දරන බව පොලිසිය සඳහන් කරයි.

කොළඹ නියෝජ්‍ය පොලිස්පති ජගත් චන්ද්‍රකුමාර සඳහන් කරන්නේ මෙසේ අල්ලස් ලබා දීමෙන් සිදු කරන බලපෑම්වලට අමතරව පොලිස් නිලධාරීන්ට මරණ තර්ජන එල්ල වීමද සිදුවෙමින් ඇති බවයි.

අල්ලස් ගැනීම් තර්ජන සියල්ල මැඩලා යුක්තිය මෙහෙයුම ලංකාවෙන් මත්ද්‍රව්‍ය තුරන් කරන තෙක්ම ක්‍රියාත්මක කරන බවද හෙතෙම සඳහන් කළේය.

මෙම මෙහෙයුම් හේතුවෙන් මත්ද්‍රව්‍ය විශාල හිඟයක් පවතින බවද කලින් රුපියල් 2000කට අලෙවි කළ කුඩු පැකට්ටුව මේ වන විට රුපියල් හය දහස ඉක්මවා මිලකට ඉහල ගොස් ඇතැයිද හෙතෙම තව දුරටත් කියා සිටියේය.

• lanka C news