වියළි කාලගුණයත් සමග අඛණ්ඩ ජල සැපයුමට බාධා මතුව ඇතිබව ජාතික ජල සම්පාදන හා ජලප්‍රවාහන මණ්ඩලයේ නියෝජ්‍ය සාමාන්‍යාධිකාරී අනෝජා කළුආරච්චි පැවසුවාය.දෛනික ජල ඉල්ලුම ඊට හේතුවී තිබේ.
ඇතැම් ප්‍රදේශ වලට අඩු පීඩනයක් යටතේ ජලය ලබාදීමට හෝ ජල සැපයුම සීමා කිරීමට සිදුව ඇතිබව පැවසුවාය.
එලෙස සිදුවන ජල සැපයුම් බාධා සම්බන්ධයෙන් 1939 ක්ශනික ඇමතුම් අංකය හරහා පැමිණිලි ඉදිරිපත් කර හැකිය. මේවන විට දෛනිකව පැමිණිලි 2000ක් පමණ ලැබෙන බව එහිදී පැවසුවාය.
මේ අතර අඹතලේ සහ බියගම ජල පොම්පාගාර වලට ලවණ ජලය ඇතුල්වීම වැළැක්වීමට ඉදිකල තාවකාලික ලවණ බාධකය මේවන විට ඉදිකර අවසන් කර තිබේ.
කැලණි ගගේ ජල මට්ටම අඩුවීමත් සමඟ ගඟ දිගේ ලවණ ජලය රට අභ්‍යන්තරයට ගලා ඒම හේතුවෙන් එම ලවණ බාධකය ඉදිකර තිබේ. ඒ හේතුවෙන් එම පොම්පාගාර වල උපරිම ධාරිතාවෙන් ක්‍රියාත්මක වන බව වැඩිදුරටත් පැවසුවාය.
- නාගොඩ සුමන උදයන්ත
Janamina Sri Lanka Rupee Exchange Rate