අනිල් කපූර් කෘතීම බුද්ධියට එරෙහිව නඩු මගට . . .

ඉන්දියාවේ ජනප්‍රිය නළුවෙකු වන අනිල් කපූර් කෘතීම බුද්ධියට (AI) එරෙහිව නඩු මගට පිවිස තිබේ.

ඒ, ඔහුගේ පෞරුෂ අයිතිවාසිකම් ආරක්ෂා කිරීම සඳහා බව එරට මාධ්‍ය වාර්තා කරයි.

ඒ අනුව අනිල් කපූර්ගේ නම, රූපය, කටහඬ සහ ඔහුට සමාන වෙනත් ගුණාංග සඳහා AI භාවිතා කර ඇති බව ඔහු පවසයි.

අනිල් කපූර් Slumdog Millionaire ඇතුළු චිත්‍රපට 100 කට අධික ප්‍රමාණයක පෙනී සිට ඇති අතර මෑතක දී, Thank You For Coming චිත්‍රපටය සඳහාද රංගනයෙන් දායක වී තිබේ.

ඒ අනුව දිල්ලි මහාධිකරණය විසින් අනිල් කපූර්ගේ පෞරුෂත්ව අයිතිය පිළිගෙන ඇති අතර අවසරයකින් තොරව ඔහුට සම්බන්ධ දේවල් භාවිතා කිරීම වළක්වමින් නියෝගයක් නිකුත් කර තිබේ.