ශ්රී ලංකාවේදි ප්රථම වරට සුසුම්නාවේ ENDOSCOPIC සැත්කමක් සිහි නැති කිරීමකින් තොරව සිදුකිරීමට ඌව වෙල්ලස්ස විශ්වවිද්යාලයේ ජ්යෙෂ්ඨ කථිකාචාර්ය ස්නායු ශල්ය විශේෂඥ වෛද්ය ලක්මාල් හේවගේ ප්රමුඛ බදුල්ල ශික්ෂණ රෝහලේ සෞඛ්ය කාර්යමණ්ඩලයක් සමත්වී තිබේ.
මෙම සැත්කම බදුල්ල ශික්ෂණ රෝහලේදී 11 දා සිදුකළ බවත් සැත් කමට මුහුණදුන් 72 හැවිරිදි කාන්තාව සුවසේ සිටින බවත් ස්නායු ශළ්ය විශේෂඥ වෛද්ය ලක්මාල් හේවගේ පැවසීය.
මෙම කාන්තාව දීර්ඝ කාලයකසිට කොඳුඇටපේලියේ අබාධයක් නිසා දැඩිවේදනාවට හා ඇවිදීමේ අපහුතාව පත්වසිටි කාන්තාවක් බවත් ඇය හෘදරෝගියෙක් නිසා ශළ්යකර්මයක් සිදුකිරීමේදී අවධානම් සහිත තත්වයක් තිබූ බවත් හේවගේ අවධාරණය කළේය.
කෙසේ නමුත් අපේ රටේදී ප්රථම වරට සිහිනැතිකිරීමකින් තොරව සුසුම්නාවේ Endoscopy සැත්කම සිදුකිරීමට තිරණයකබවද සඳහන්කළේය.
විශේෂඥ වෛද්ය හේවගේ මෙසේද පැවසීය.
“මෙහිදී ඇතිවාසිය තමයි සිහිනැති කිරීමකින් තොරව රෝගියා සමග කතා කර කර එයාගේ කකුලේ වේදනාව අඩුවෙනවද කිය කියා විමසමින් සිදුකිරීමට හැකිවීම. ඒවගේම සුසුම්නාවට පහලින් තියෙන කාටලේජ සම්පූර්ණයෙන් ඉවත් කිරීමට ඇති හැකියාය වැඩියි.” ඒ වගේම ඉතා කුඩා කැපුමක් පමණක් සිදුකරන නිසා රෝගියාට ලොකු වේදානවක් ඇති නොවන බවත් කැපුම් කැලලක් ඇතිනොවන බවත් විශේෂඥ වෛද්ය හේවගේ වැඩිදුරටත් සඳහන්කළේය.
- නුවන් ආරියවංශ – ඇල්ල