එක්සත් ජාතික පක්ෂයේ හිටපු පාර්ලිමේන්තු මන්ත්‍රීවරයකු මෙන්ම හිටපු වනජීවි නියෝජ්‍ය ඇමතිවරයකු වූ පාලිත තෙවරප්පෙරුම විදුලි සැර වැදීමෙන් මියගොස් තිබේ.
මතුගම යටදොලවත්ත ප්‍රදේශයේ පිහිටි සිය පොල් ඉඩමක ඊයේ සවස වැඩ කටයුත්තක නිරතව සිටියදී විදුලි කම්බි දෙකක් එකිනෙක සම්බන්ධ කිරීමට ගිය අවස්ථාවේදී මෙම අනතුර සිදුව ඇතැයි මතුගම පොලිසිය සඳහන් කරයි.
අනතුරින් බරපතල තුවාල ලැබූ හිටපු මන්ත්‍රිවරයා නාගොඩ රෝහල වෙත ගෙන යාමෙන් පසු මියගොස් තිබේ. 1960 මැයි මස 03 වැනිදා උපත ලැබූ පාලිත තෙවරප්පෙරුම ඉඩම් හිමියකු මෙන්ම වැවිලිකරුවකු විය. මියයන විට ඔහු 63 වැනි වියේ පසුවිය.
එක්සත් ජාතික පක්ෂයේ ක්‍රියාකාරී දේශපාලකයකු වූ ඔහු මතුගම ප්‍රාදේශීය සභාවේ හිටපු සභාපතිවරයා ලෙසත් බස්නාහිර පළාත් සභාවේ හිටපු මන්ත්‍රීවරයකු ලෙසත් කටයුතු කර ඇත.
- එෆ්. අස්ලම්
Janamina Sri Lanka Rupee Exchange Rate