ජනාධිපති රනිල් වික්රමසිංහ ජනාධිපති ධුරයට පත් වීමෙන් පසුව සහභාගි වූ විදේශ සංචාර සඳහා රජය දැරූ වියදම් සම්බන්ධ ප්රශ්නයක් අනිද්දා (24 වැනිදා ) පැවැත්වෙන පාර්ලිමේන්තුවේ න්යාය පත්රයට ඇතුළත් කර තිබේ.
ජනාධිපතිවරයා වශයෙන් මෙතෙක් සහභාගි වී ඇති විදේශ සංචාර, එක් එක් සංචාරයේ දී හමු වූ විදේශීය නායකයන් වෙන් වෙන් වශයෙන් කවරේ ද යන්නත් මෙමගින් ප්රශ්න කර තිබේ. එම රාජ්ය නායකයන් සමග රාජ්ය තාන්ත්රිකව ඇති කර ගත් ගිවිසුම් හා එම ගිවිසුම්වලට එළඹි කාරණය ද විමසා ඇත.
තවද එම එක් එක් විදේශීය සංචාරයේ දී ජනාධිපතිවරයා සමග සහභාගි වූ නියෝජිත පිරිස වෙන් වෙන් වශයෙන් මෙන් ම ඒ සඳහා වැය කළ මුදල වෙන් වෙන් වශයෙන් ද ලබා දෙන ලෙසත් ඉල්ලා තිබේ.
අගමැති දිනේෂ් ගුණවර්ධනට මෙම ප්රශ්නය යොමු කර ඇත්තේ කළුතර දිස්ත්රික් මන්ත්රි ජයන්ත සමරවීර ය.
- නිලන්ත මදුරාවල