ඉදිරියේදී රනිල් වික්රමසිංහ විසින් පත්කිරීමට නියමිත විශාල කැබිනට් මණ්ඩලයේ ඇමති ධුර බාර ගැනීමට විමල් වීරවංශ සහ උදය ගම්මන්පිල ඇතුළු පිරිස ද සූදානමින් සිටින බවට තොරතුරු අනාවරණය වේ.
මේ සඳහා සුදුසුකම් සම්පූර්ණ කර රනිල් වික්රමසිංහට සහතික කිරීමක් වශයෙන් වීරවංශ ඇතුළු කණ්ඩායම රට නොමඟ යැවීමේ විවිධ ප්රකාශ කිරීමට පටන් ගෙන තිබේ. රනිල් වික්රමසිංහ ජනාධිපති ධුරයට පත්වූයේ අරගලය නිසා බව තහවුරු කිරීමේ ප්රකාශ මේ අතර ප්රමුඛව පවතී. මහජන අරගලය හේතුවෙන් විකෘතියක් ඇතිවී ඇති බවත් ඒ තුළ රනිල් වික්රමසිංහ බලයට පත්වුණු බවත් තහවුරු කිරීමට එම කණ්ඩායම විවිධ තර්ක ගොඩ නගමින් සිටිති. මේ අතර උදය ගම්මන්පිල බල ශක්ති අමාත්ය ධුරය දැරූ කාලයේ සිදු කරන ලද වංචා දූෂණ සහ සිදු කිරීමට සැලසුම් කර තිබූ මූල්ය අපරාධ ගෙන හැර දක්වමින් ඔහු ද රනිල්ගේ කැබිනට් මණ්ඩලයේ සාමාජිකයෙකු කර ගැනීමට මේ වනවිට සැලසුම් කර තිබේ.
තාවකාලිකව 18 දෙනෙකුගෙන් සමන්විත කැබිනට් මණ්ඩලයක් පත්කර ගෙන සිටියද එය ඉතා ඉක්මනින්ම 30 ඉක්වමා යාමට නියමිත බව අනාවරණය වේ.