තමන් අනුගමනය කරන්නේ බුදුන්ගේ ක්රමවේදය යැයි ජනාධිපති රනිල් වික්රමසිංහ පවසයි. ඔහු මේ බව පැවසූවේ අද පාර්ලිමේන්තුවේදී විශේෂ ප්රකාශයක් සිදුකරමිණි.
වැටී තිබුණු රටක් යළි ගොඩනැංවීමේ දී මහා විජිත රජු අනුගමනය කළ කරුණු කූඨදන්ත සුත්රය මඟින් බුදුන්වහන්සේ පෙන්වාදී ඇතැයිද තමන් අනුගමනය කරන්නේ බුදුන් වහන්සේ පෙන්වාදුන් ක්රමවේදය යැයිද එහිදී ජනාධිපති රනිල් වික්රමසිංහ පැවසීය. මෑත ඉතිහාසයේ රට මුහුණදුන් බරපතලම ආර්ථික අර්බුදයෙන් ගොඩ ඒම සඳහා සිව් වැදෑරුම් උපාය මාර්ගික සැලැස්මක් හඳුන්වාදීමට කටයුතු කළ බවත් එහි පළමු පියවර මේ වන විට සාර්ථක කරගෙන ඇති බවත් මෙහිදී ඔහු අවධාරණය කළේය. දෙවන පියවර සාර්ථක කර ගැනීමට අවශ්ය පදනම සකස් කරගෙන යන බවත් ඔහු සඳහන් කර සිටියේය. පැරණි කෝන්තර අමතක කර පොදු වැඩපිළිවෙළකට එක්වන ලෙස ජනාධිපති රනිල් වික්රමසිංහ ඉල්ලීමක්ද කරයි.
කෘෂිකර්ම ක්ෂේත්රයේ ගනු ලැබූ කඩිනම් පියවර හේතුවෙන් යල කන්නයේ අපේක්ෂිත අස්වැන්නට වඩා ඉහළ අස්වැන්නක් ලැබීමට හැකිවූ බවත් ඉදිරි මහ කන්නයද බාධාවකින් තොරව සාර්ථක කර ගැනීමට අවශ්ය බීජ මෙන්ම පොහොර ප්රමාණවත් පරිදි සූදානම් කර ඇති බවත් ජනාධිපති රනිල් වික්රමසිංහ මෙහිදී සඳහන් කළේය.