ඛනිජ තෙල් නිෂ්පාදන විශේෂ විධි විධාන පනත පාර්ලිමේන්තුවේ සම්මතවේ . . .

අපේ රටට ඉතාමත් අවාසනාවන්ත දිනයක් උදා වු බව, ඛනිජ තෙල් නිෂ්පාදන විශේෂ විධි විධාන සංශෝධනය පනත් පාර්ලිමේන්තුවේ සම්මත විම සම්බන්ධයෙන් අදහස් දක්වමින් ඛනිජ තෙල් පොදු සේවක සංගමයේ සභාපති ආචාර්ය අශෝක රන්වල පවසයි.

ඒ සම්බන්ධයෙන් වැඩිදුරටත් අදහස් දක්වන ආචාර්ය අශෝක රන්වල,

“අපේ රටට ඉතාමත් අවාසනාවන්ත දිනයක් උදා වුණා. මේ දිනය වෙනස් කර ගන්න, මේ අවාසනාව වෙනස්කර ගන්න ඛනිජ තෙල් ක්ෂේත්‍රයට අදාළ වෘත්තීය සමති සියලුදෙනා එකතුවෙලා බරපතළ උත්සහායක් දැරුවා, මේක වෙනස් කරලා මේ රටට සුවදායි දිනයක් බවට පත්කරගන්න. අඳුරු වලාකුළුවලින් පිරිලා තියෙන දවස ඒ අඳුර වගේම අඳුරු යුගයක් බවට පත්කරන්න අපේ රටේ පාර්ලිමේන්තුවේ ඉන්න පක්ෂ විපක්ෂ අය කටයුතු කරලා තියෙනවා. ඒ නිසා වෘත්තීය සමිති විදිහට දැඩි කලකිරීමකින් මේ කියන්නේ. විපක්ෂයේ මන්ත්‍රීවරු, ඔවුන් මඟහැරියේ මොකද? ආණ්ඩු පක්ෂයේ මන්ත්‍රීවරුන් විදිහට පොහොට්ටුව මේ රටේ ජනතාවට වගකියන්නේ නැහැ කියලා අපි පැහැදිලිවම දන්නවා. හැබැයි මේ විප්කෂයේ මන්ත්‍රීවරු කොහෙද හැංගුණේ. ඔවුන්ට මේක දිනාගන්න අතහැරලා 17 සීමාකරගෙන අනිත් අය හැංගිලා මඟහැරියා කියන්නේ. ඒ් මඟහැරපු සියලුදෙනාම පොහොට්ටුවේ මේ යෝජනාවට පක්ෂව ඡන්දය දුන්නා.”