පැවති අයහපත් කාලගුණික තත්ත්වය හේතුවෙන් බණ්ඩාරවෙල, ලියන්ගහවෙල, කබරගල ප්රදේශයේ ඊයේ (මාර්තු 19) දින රාත්රි 09.30 ට පමණ සිදුවූ නාය යාමෙන් පවුල් 62 කට අයත් පුද්ගලයන් 220ක් පමණ බලපෑමට ලක්ව ඇති බව ආපදා කළමනාකරණ මධ්යස්ථානය පවසයි.
පොලිසිය සඳහන් කළේ, අවතැන් වූ පිරිස මේ වන විට තාවකාලිකව පුනාගල පහළ කොටසේ විද්යාලයේ රඳවා ඇති බව ය. නාය යාමෙන් තුවාල ලැබූවන් 5 දෙනෙකු රෝහල්ගත කිරීමට ද පියවර ගෙන ඇති අතර ඔවුන් කොස්ලන්ද මූලික රෝහලට සහ දියතලාව රෝහලට ඇතුළත් කළ බව පොලිසිය පැවසීය.
මෙම නාය යාමෙන් නිවාස තුනක් සහ වෙළෙඳසැලක් සම්පූර්ණයෙන් ම හානියට පත්ව ඇති අතර තවත් නිවාස 20ට ආර්ධ හානි සිදුව ඇත.
මෙම ස්ථානය වෙත පොලිස් කණ්ඩායම් තුනක් හා හමුදා භට පිරිස් එම අවස්ථාවේ දීම පිටත් කර ආපදාවට ලක්වූ පිරිස් බේරා ගැනිමට අවශ්ය කටයුතු සිදු කිරීමට පියවර ගත් බව බණ්ඩාරවෙල කොට්ඨාසය භාර ජ්යෙෂ්ඨ පොලිස් අධිකාරී ප්රදීප් කළුපහන සඳහන් කළේ ය.