දිගින් දිගටම ඉන්ධන අලෙවිය අඩු වීම නිසා පිරවුම්හල්වල මාසික ආදායම 30%-40%ත් අතර ප්රමාණයකින් පහළ වැටී ඇති බව ඉන්ධන බෙදුම්කරුවන්ගේ සංගමය සඳහන් කරයි.
වෙනදා පිරවුම්හලට රැගෙන එන ඉන්ධන තොග දිනක් හෝ දෙකක් ඇතුළත අවසන් වුවත් මේ වන විට ඊට දින තුන හතරක කාලයක් වැයවන බව සංගමයේ ලේකම් කපිල නාඔටුන්න පැවසීය. මෙම තත්ත්වය මත ඉන්ධනහල් හිමියන්ට අධික බැංකු පොලියක් ද ගෙවීමට සිදුව ඇති අතර ඒ මත අනාගතයේ දී පිරවුම්හල්වල සේවකයන් ඉවත් කිරීමට පවා සිදු ඇති බවද හෙතෙම සදහන් කලේය.
ඉන්ධන මිල ඉහළ යාමත් සමග රජය හඳුන්වාදී ඇති QR කේතය නිසාද ඉන්ධන අලෙවිය අඩු වී ඇති බවත් දැනට මාසිකව මෝටර් රථයකට ලැබෙන පෙට්රල් ලීටර් 80 ලබාගැනීමට රුපියල් තිස් 32000ක මුදලක් වැය කළ යුතු බවත් හෙතෙම පෙන්වා දෙයි.
මෙම තත්ත්වය මත ඉදිරියේදී QR කේතයක් අවශ්ය නොවණු ඇති බවද හෙතෙම තවදුරටත් කියා සිටියේය.