මෝටර් රථ ප්රවාහන දෙපාර්තමේන්තුවේ වෙහෙරහැර රියදුරු බලපත්ර මුද්රණය කිරීමේ අංශයේ කටයුතු ලබන සැප්තැම්බර් මස 1 වැනිදා සිට නැවතත් එම දෙපාර්තමේන්තුව භාරයට ගන්නා බව මෝටර් රථ කොමසාරිස් ජනරාල් නිශාන්ත අනුරුද්ධ වීරසිංහ පවසයි.
රියදුරු බලපත්ර මුද්රණ කිරීමේ අංශය ගිවිසුමකට අනුව වසර කීපයක් යුද හමුදාවේ පාලනය යටතේ ක්රියාත්මක වූ බවත් එම ගිවිසුම ප්රකාරකව නැවත භාරගන්නා බවත් ඔහු සඳහන් කළේය.
එම අංශයේ කටයුතු පිළිබඳව මෝටර් රථ ප්රවාහන දෙපාර්තමේන්තුවේ නිලධාරීන් මේ වන විට පුහුණුව ලබමින් සිටින බවත් ඉන් පසුව එම නිලධාරීන් එහි සේවයට අනුයුක්ත කරන බවත් මෝටර් රථ කොමසාරිස් ජනරාල්වරයා පැවසීය.