අඹගස්දෝව පොලිස් වසමට අයත් උඩුහාවර ඇත්ඔළුව කන්ද රක්ෂිතයේ අද දහවල් ඇතිවු ගින්නකින් අක්කර 15 ක පමණ භූමි ප්රමාණයකට හානි සිදුව ඇතැයි ප්රදේශවාසින් පවසයි.
උඩුහාවර මහා විද්යාලය අසන්නයේ පිහිටි මෙම රක්ෂතයේ ටර්පන්ටයින් ඇතුළු විවිධ වර්ගයේ ශාක විශාල ප්රමාණයක් ඇති අතර පවතින වියළි කාලගුණ තත්වයත් සමග ගින්න සීග්රයෙන් පැතිර ගොස් තිබේ. පවතින සුළං තත්වය හා ශාක වියළී පැවතීම නිසා ගින්න පාලනය කිරීමට අඹගස්දෝව පොලිසිය, වන සංරක්ෂන නිළධාරින් හා ප්රාදේශවාසින් එක්ව මහත් පරිශ්රමයක් ගෙන කටයුතු කලද මේ වන විටත් ගින්න පැතිර යමින් පවති.
සතුන් දඩයම් කිරීමට හෝ වෙනයම් කාරණයක් මත මෙම ගිනි තැබීම කිසියම් පුද්ගලයෙක් හෝ පිරිසක් විසින් සිදු කරන්නට ඇතැයි සැක කරන අතර අඹගස්දෝව පොලිසිය මේ සම්බන්ධව විමර්ශණ සිදු කරයි.