චීන ජාතිකයෙක් ඔහුගේ නිවස නාඳුනන පුද්ගලයන් විසින් පසුගිය 19 වැනිදා මංකොල්ලකා ඇති බව බොරැල්ල පොලිසියට පැමිණිලි කර තිබේ. කෝටි 4 ක මුදල් සහ දේපළ මෙම පිරිස විසින් මංකොල්ලකා ඇති බව පැමිණිලිකරුවන් කියා සිටියේය.
කොට්ඨාශ අපරාධ විමර්ශන ඒකකය කොළඹ දකුණ විමර්ශනය කිරීමේ දී අනාවරණය වූයේ මෙම මංකොල්ලය පැමිණිලිකරු වන චීන ජාතිකයා විසින් මෙහෙයවන ලද ව්‍යාජ මංකොල්ලයක් බවයි.
චීන ජාතික සැකකරු අත්අඩංගුවට ගෙන විමර්ශනය කිරීමේ දී අනාවරණය වී ඇත්තේ මොහු ජාත්‍යන්තර මට්ටමේ පිරමීඩ ජාවාරම්කරුවෙක් බවයි. මෙම පුද්ගලයා පෝට් සිටියේ ව්‍යාපාරයක් කරන බව හඟවමින් ජාත්‍යන්තර පිරමීඩ ජාවාරමේ යෙදෙන බව මූලික විමර්ශනවලදී අනාවරණය විය.
මෙම සැකකරුට කොළඹ ප්‍රදේශයේ සුපිරි මහල් නිවාස 7ක් තිබෙන බවත්, ප්‍රශ්න කිරීමේදී පිරමීඩ ජාවාරම මෙහෙවන ස්ථානය වැටලීමට තැත්කිරීමේ දි එම ජාවාරම්කරුවන් ඒ වන විටත් පලාගොස් ඇති බව වාර්තා වේ.
සැකකරු සන්තකයේ තිබී නීතිවිරෝධී දුම්වැටි 30000 වැඩි ප්‍රමාණයක්, ජංගම දුරකථන 20ක් ලැප්ටොප් යන්ත්‍ර 7ක් අත්අඩංගුවට ගනු ලැබීය.
විමර්ශනවලදී මේ වන විටත් චීන ජාතික සැකකරුවන් දෙදෙනෙක් සහ ලාංකික සැකකරුවන් දෙදෙනෙක් අත්අඩංගුවට ගෙන තිබේ.
Janamina Sri Lanka Rupee Exchange Rate