මෝටර් රථ දෙපාර්තමේන්තුවේ නිලධාරීන් පිරිසක් ව්‍යාජ ලේඛන යොදා 2007 වසරේදී මෙරටට ගෙන්වන ලද ‘මිනිකූපර්’ වර්ගයේ මෝටර් රථයක් ත්‍රිරෝද රථ පොතකට ලියාපදිංචි කර රජයට රුපියල් ලක්‍ෂ 25ක බදු ආදායමක් අහිමි කිරීමේ සිද්ධියක් සම්බන්ධයෙන් විමර්ශන සිදුකරන බව අල්ලස් හෝ දූෂණ විමර්ශන කොමිෂන් සභාව කොළඹ ප්‍රධාන මහේස්ත්‍රාත් ප්‍රසන්න අල්විස් වෙත දැන්වීය.
අල්ලස් හෝ දූෂණ විමර්ශන කොමිෂන් සභාවට ලද තොරතුරකට අනුව සිදුකළ විමර්ශනයකදී මෙම මෝටර් රථය එම කොමිෂන් සභාව භාරයට ගෙන ඇති බව ද අධිකරණයෙන් හෙළි විය.
මේ සම්බන්ධයෙන් සිදුකරන වැඩිදුර විමර්ශන සඳහා එම මෝටර් රථය රේගුව භාරයට පත් කිරීමට නියෝගයක් ලබා දෙන ලෙස එම කොමිෂන් සභාවේ නිලධාරීන් අධිකරණයෙන් කළ ඉල්ලීමක් අනුව අදාළ මෝටර් රථය රේගුව වෙත භාර දෙන ලෙසද මහේස්ත්‍රාත්වරයා නියෝග කළේ ය.
වාහන අමතර කොටස් ආනයන සමාගමක් විසින් මෙම මෝටර් රථය ගෙන්වනු ලැබ ඇති බව ද අධිකරණයෙන් හෙළි විය.
- kumudu upul shantha
Janamina Sri Lanka Rupee Exchange Rate