බීමත් රියැදුරන් සහ මත්ද්‍රව්‍ය භාවිතා කර රිය පදවන රියැදුරන් සම්බන්ධයෙන් කඩිනම් ක්‍රියාමාර්ග ගැනීම සඳහා සෑම පොලිස් ස්ථානයකටම නේවාසික වෛද්‍යවරයකු පත් කිරීමට අවධානය යොමුව ඇත.
බීමත් රියැදුරන් පරික්ෂා කරන ඇල්කොවයිසර් යන්ත්‍ර සහ කෙළ සාම්පල ආශ්‍රිතව මත්ද්‍රව්‍ය භාවිතා කළ රියැදුරන් හඳුනා ගැනීමේ කට්ටල පොලිස් ස්ථානවල හිඟ වීම මත මහජන ආරක්ෂක අමාත්‍යාංශය සහ ප්‍රවාහන අමාත්‍යාංශය මේ කෙරෙහි අවධානය යොමුව තිබේ.
එවන් වැරැදිවලට හසුවන රියැදුරන් රෝහල්වෙත රැගෙන ගොස් වෛද්‍ය පරීක්ෂණවලට යොමුකර වෛද්‍ය වාර්තා ලබා ගැනීමට පොලිසියට සිදුව තිබීමත් ඇතැම් පොලිස් ස්ථාන රෝහල්වල සිට වැඩි දුරකින් පිහිටා තිබීමත් මත ගැටලු සහගත තත්ත්වයක් පවතින බව උසස් පොලිස් නිලධාරීහු මහජන ආරක්ෂක අමාත්‍යාංශය වෙත දැනුම් දී තිබේ.
මේ සම්බන්ධයෙන් සෞඛ්‍ය අමාත්‍යාංශය සමගින් ද සාකච්ඡා කිරීමට නියමිතය.
මේ අතර රිය අනතුරු හා මාර්ග ආරක්ෂාව පිළිබඳ ජනාධිපති කාර්ය සාධක බලකායක් පත් කිරීමට පියවර ගෙන තිබේ.
පොලිසිය, ජාතික ප්‍රවාහන වෛද්‍ය ආයතනය, මෝටර් රථ ප්‍රවාහන දෙපාර්තමේන්තුව ඇතුළු ආයතන ගණනාවක් ඒකාබද්ධව මෙම පියවර ගෙන ඇත.
Janamina Sri Lanka Rupee Exchange Rate