නුවර වැවේ ජෝයි බෝට්ටු සේවාවට සීල් . . .

මහනුවර ඓතිහාසික වැවේ පවත්වාගෙන ගිය ජෝයි බෝට්ටු සේවා ස්ථානයට සීල් තැබීමට කටයුතු කර ඇති බවට තොරතුරු වාර්තා වේ.

ඒ, අදාළ සේවය පවත්වාගෙන යාමේ ටෙන්ඩර් කැඳවීම සම්බන්ධයෙන් ඇති වූ මතභේදාත්මක තත්ත්වයක් හේතුවෙන්.

මහනුවර නාගරික කොමසාරිස් ඉශාන් විජේතිලක ප්‍රකාශ කර තිබුණේ, එම ජෝයි බෝට්ටු සේවාවේ ගිවිසුම් කාලය හමාරවීමෙන් පසු නැවත ටෙන්ඩර් කැඳවීමේදී ඉහළම ලන්සුව තැබූ ටෙන්ටර්කරුට එය ලබා දීමට පියවර ගත් බවයි.

කෙසේ වෙතත් එම බෝට්ටු සේවාව වසර 53ක කාලයක් අඛණ්ඩව පවත්වාගෙන ආ පාර්ශවය සහ නව ටෙන්ඩර්කරු අතර මතභේදාත්මක තත්ත්වයක් ඇති ව තිබුණි

ඒ පිළිබඳව අභ්‍යන්තර විමර්ශනයක් පවත්වන තුරු එම ස්ථානයට කිසිවෙකුටත් ඇතුල්වීමට නොහැකි ආකාරයට සීල් තබා වසා දැමීමට පියවර ගත් බවයි, ඉශාන් විජේතිලක කියා සිටියේ.

• aruna