රාජ්ය පරිපාලන සේවයේ නිලධාරීන් හට ඔවුන්ගේ වැටුපෙන් අය කර ගන්නා කුලී පදනම මත ලබාදිය යුතු නිල නිවාස ලබා නොදී කට්ටි පැනීමේ ක්රියාමාර්ගයක් රාජ්ය පරිපාලන ඇමති ලෙස දිනේෂ් ගුණවර්ධන අනුගමනය කරමින් සිටින බව අනාවරණය වේ.
කොළඹින් බැහැර ප්රදේශවල සිට රාජකාරි කටයුතු සඳහා පැමිණෙන එම නිලධාරීන් හට නවාතැන් ගැනීමේ නිල නිවාස ලෙස මෙම නිවාස සැපයීම සිදු කරයි. කිරිබත්ගොඩ අලුතින් ඉදිකරන ලද එම නිවාස සංකීර්ණයේ නිවාස වසර කීපයක සිට ලබාදීම සිදු කර නොතිබිණි. පසුගිය ජනවාරි 01 දින සිට ඒවා ලබාදීමට කුසපත් ඇදීම මගින් සුදුස්සන් තෝරා ගෙන සියලු කටයුතු සම්පූර්ණ කර තිබුණද යළිත් එය කල් දමා තිබේ.
මෙම නිවාස ලබාදීමේ දී අදාළ රාජ්ය පරිපාලන නිලධාරියාගේ මූලික වැටුපෙන් අටෙන් එකක් කුලී අය කිරීමේ පදනම මත ලබා දීම සිදු කරයි. මේ නිසා රජයට විශාල ආදායමක් ද අහිමි වී ගොස් ඇති අතර අදාළ නිලධාරීන් මූලික වියදම් සඳහා දරන ලද මුදල් ද අපතේ ගොස් තිබේ. ආණ්ඩුවේ ඇමතිවරුන්ගේ අවශ්යතා අනුව තෝරා ගන්නා නිලධාරීන්ට මේවා ලබාදීමට සූදානමක් ඇතැයි බලපතළ සැකයක් ඇති වී තිබේ.
- lankatruth