අරගල සමයේදී එවකට අග්රාමාත්ය රනිල් වික්රමසිංහ ගේ නිවසට ගිනි තැබීමේ සිද්ධිය සම්බන්ධයෙන් සැකපිට අත්අඩංගුවට ගෙන අධිකරණයට ඉදිරිපත් කළ ඉංග්රීසි ගුරුවරුවරයා ඇප මත මුදා හැරීමට කොටුව මහෙස්ත්රාත් තිළණ ගමගේ අද (06) නියම කළේය.
මෙලෙස ඇප මත මුදාහරින ලද්දේ බොරලැස්ගමුව ප්රදේශයේ පදිංචි 46 හැවිරිදි ඉංග්රීසි ගුරුවරුවරයකු බව කියන ජේ. එම්.විමලරත්න නැමැති අයෙක් වන අතර රුපියල් ලක්ෂ 05ක් වටිනා ශරීර ඇපයක් මත සැකකරු මුදාහැරීමට නියම කරන ලදී.
අදාළ පැමිණීල්ල යළි කැඳවන අවස්ථාවේදී අධිකරණයේ පෙනී සිටින ලෙස මහෙස්ත්රාත්වරයා ඔහුට අවවාද කළේය.
2022 ජුලි මස 09 වැනිදා එවකට අග්රාමාත්යවරයා වශයෙන් කටයුතු කළ රනිල් වික්රමසිංහ ගේ නිවසට ගිනි තබන අවස්ථාවේදී නීතීවිරෝධී රැස්වීමක සාමාජිකයකු වශයෙන් කටයුතු කිරීම හා අදාළ නිවස සහිත ඉඩමට අයුතු ලෙස ඇතුල්වීම, භාන්ඩ සොරකම් කිරීම යන සිද්ධීන් මත වසරකුත් මාස 07 පමණ කාලයකට පසු රහස් පොලිසිය විසින් සැකකරු අත්අඩංගුවට ගෙන අධිකරණයට ඉදිරිපත් කෙරිණී.
සැකකරු අධිකරණයට ඉදිරිපත් කළ අවස්ථාවේදී ඉදිරිපත් වු කරුණු සැළකිල්ලට ගනිමින් ඇප මත මුදා හැරීමට මහෙස්ත්රාත්වරයා නියම කරන ලදී.
- aruna