වාරය සේවකයෝ වැඩ වරති . . .

වාරය සේවකයෝ මේ වන විට වැඩ වර්ජනයක් ආරම්භ කර ඇත. අසනීප නිවාඩු දීමනාව ලබා ගැනීමේදී  “උපයන විට බද්දට” යටත් වීමට සිදුවීම මීට හේතුව වී තිබේ. 

වරාය සේවකයින්ට දින 21 අසනීප නිවාඩු හිමි කමක් ඇත. නමුත් වරාය සේවකයින් මෙකී නිවාඩු ලබා නොගෙන ඒ වෙනුවෙන් පිරිනමන දීමනාව ලබා ගැනීමට හුරු වී ඇත. මේ සඳහා ලැබෙන දීමනාව පඩිය හා සමාන බව පැවසේ.

රුපියල් ලක්ෂයට වඩා මාසික වැටුපක් ලබා ගන්නා සේවකයින් උපයන විට බද්දට යටත් වන බැවින් අසනීප නිවාඩු දීමනාව ලබා ගැනීමේදී වරාය සේවකයින්ටද මෙකී බද්ද ගෙවීමට සිදු වී ඇත.

වරාය වෘත්තිය සමිති පවසන්නේ මෙකී වැඩ වර්ජනයට තමන් කිසිසේත් සම්බන්ධ නැති බවයි. සේවකයින් පෞද්ගලිකව මෙම වැඩ වර්ජනයේ නිරතව ඇති බව ඔවුහූ වැඩි දුරටත් පවසති.

කෙසේ වෙතත් වැටුප සම්බන්ධයෙන් වෘත්තීය ක්‍රියා මාර්ග ගත නොහැකි බවට වරාය සේවකයින්ට මින් පෙර අධිකරණයෙන් වාරණ නියෝගයක් පනවා ඇත. ඒ අනුව මෙම වැඩවර්ජනයේ නිරත වූවන් සේවය පැහැර හැරීම මත වැඩ තහනම් කිරීමට හා අධිකරණයට අපහාස කිරීම හේතුවෙන් අධිකරණයට කරුණු වාර්තා කිරීමට වරාය කළමනාකාරීත්වය තීන්දු කර තිබේ.

• aruna