ශ්‍රී ලංකාව වෙත යෙන් මිලියන 1,600ක ආධාර ප්‍රදානය කිරීමට ජපාන රජය එකඟතාව පළ කර තිබේ.
රජය සඳහන් කළේ, ජපාන ආර්ථික හා සමාජ සංවර්ධන වැඩසටහන යටතේ මෙම ආධාරය ප්‍රදානය කෙරෙනු ඇති බව ය.
එය දල වශයෙන් රුපියල් බිලියන 3.3ක් පමණ වන බව ද රජය පැවසීය.
ඒ අනුව, ශ්‍රී ලංකා වෙරළාරක්ෂක බළකායේ තෙල් කාන්දු සඳහා ප්‍රතිචාර සහ කළමනාකරණය වැඩිදියුණු කිරීමේ ව්‍යාපෘතිය, උතුරු පළාතේ රෝහල්වල මාතෘ සහ ළමා ප්‍රතිකාර සඳහා ආධාරක උපකරණ සැපයීමේ සහ උතුරු පළාතේ වෘත්තීය පුහුණු මධ්‍යස්ථානවල ඇඟලුම් පාඨමාලා සඳහා ආධාරක උපකරණ ලබා දීමේ ව්‍යාපෘතිය, උතුරු නැගෙනහිර පළාත්වල ධීවරයින්ගේ ආරක්ෂාව සඳහා ආධාරක උපකරණ ලබා දීමේ ව්‍යාපෘතිය ක්‍රියාත්මක කිරීම සඳහා එම ආධාර ලබා දෙනු ඇත.
රජය සඳහන් කළේ, එම ආධාර ලබා ගැනීම සඳහා ජපාන රජය සමග හුවමාරු පත්‍ර සහ වෙනත් අදාළ ලියකියවිලි අත්සන් කිරීම සඳහා ජනාධිපති රනිල් වික්‍රමසිංහ විසින් ඉදිරිපත් කරන ලද යෝජනාවට අමාත්‍ය මණ්ඩල අනුමැතිය හිමි වී ඇති බව ය.
- Tharaka Samman
Janamina Sri Lanka Rupee Exchange Rate