මෙවර අමෙරිකාවේදී පවත්වන ප්‍රධාන වෙසක් උත්සවය එරට ජනාධිපති ජෝ බයිඩ්න්ගේ ප්‍රධානත්වයෙන් ධවල මන්දිරයේදී සැමරීමට අමෙරිකාවේ ශ්‍රී ලංකා තානාපති කාර්යාලය තීරණය කර තිබේ.
වොෂින්ටන්හි පිහිටි ශ්‍රී ලංකා තානාපති කාර්යාලය පසුගිය දා රැස්වීමක් පවත්වා මීට අදාළ යෝජනාව සම්මත කරගෙන ඇත.
අමෙරිකානු තානාපති මහින්ද සමරසිංහගේ නිල නිවසේදී මෙම රැස්වීම පවත්වා තිබේ.
මෙම අවස්ථාවට ධවල මන්දිරය, අමෙරිකාවේ ජාත්‍යන්තර බෞද්ධ සංගමය සහ වොෂින්ටන් ඩී.සී.හි තානාපති කාර්යාල නියෝජනය කරමින් ජ්‍යෙෂ්ඨ රාජ්‍යතාන්ත්‍රික නියෝජිතයන් එක්ව ඇත.
මෙවර වෙසක් උත්සවය අමෙරිකානු ජනාධිපතිවරයාගේ ප්‍රධානත්වයෙන් ධවල මන්දිරයේදී පැවැත්වීමට තානාපති සමරසිංහ මෙම රැස්වීමට ඉදිරිපත් කළ යෝජනාව නේපාලය, ඉන්දුනීසියාව, තායිලන්තය, ඉන්දියාව මොංගෝලියාව, කාම්බෝජය යන රටවල තානාපති කාර්යාලවල ජ්‍යෙෂ්ඨ නියෝජිතයන් සහ අමෙරිකාවේ ජාත්‍යන්තර බෞද්ධ සංගමයේ සභාපති වැන්ග්මෝ ඩික්සි අනුමත කර තිබේ.
වෙසක් දින සැමරුමට ජනාධිපති ජෝ බයිඩ්න්ගේ සහභාගිත්වය ලබාදෙන ලෙසට තානාපති මහින්ද සමරසිංහ ධවල මන්දිරයෙන් ඉල්ලා ඇත.
- Amith Maduranga Gamage
Janamina Sri Lanka Rupee Exchange Rate