මාලිගාකන්ද මහේස්ත්‍රාත් අධිකරණය මගින් රක්ෂිත බන්ධනාගාරගත කර සිටින තමාව ඇප මත මුදා හැරීමට නියෝගයක් නිකුත් කරන්නැයි ඉල්ලා හිටපු සෞඛ්‍ය අමාත්‍ය කෙහෙළිය රඹුක්වැල්ල විසින් ඉදිරිපත් කරන ලද ඇප අයැදුම් පත්‍රය කොළඹ මහාධිකරණ විනිසුරු සුජීව නිශ්ශංක අද (අප්‍රේල් 3) ප්‍රතික්ෂේප කළේ ය.
සැකකරුට ඇප ලබා දීමට තරම් ප්‍රමාණවත් කරුණු අධිකරණයට ඉදිරිපත් වී නොමැති බවට තීරණය කරමින් විනිසුරුවරයා එම ඇප අයැදුම් පත්‍රය ප්‍රතික්ෂේප කළේ ය.
එම ඇප අයැදුම් පත්‍රයයේ වගඋත්තරකරුවන් ලෙස නම් කර සිටින නීතිපතිවරයාට හා අපරාධ පරීක්ෂණ දෙපාර්තමේන්තුව වෙත නොතීසි නිකුත් නොකර ම එය ප්‍රතික්ෂේප කරන බව විනිසුරුවරයා ප්‍රකාශ කළේ ය.
අද මෙම නඩුව අධිකරණය හමුවේ කැඳවනු ලැබූ අවස්ථාවේදී නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජනරාල් ලක්මිණි ගිරිහාගම කළ කරුණු දැක්වීම් සැලකිල්ලට ගනිමින් විනිසුරුවරයා එලෙස නියෝග කළේ ය.
- Hansi Nanayakkara
Janamina Sri Lanka Rupee Exchange Rate