ජපානයේ ඔසාකා නුවර පිහිටි යංමාර් ක්රීඩාංගණයේ දී ක්රියාත්මක කෙරුණු 11 වැනි “කිනාමී මිචිටාකා අනුස්මරණ අභියෝග ශූරතා” ජාත්යන්තර මලල ක්රීඩා තරගාවලියට එක්වූ කාලිංග කුමාරගේ පිරිමි මීටර් 400 ඉසව්වේ ප්රථම ස්ථානය දිනා ගත්තේය.
අදාළ ඉසව්වේ පළමු ස්ථානය දිනා ගැනීම සඳහා කාලිංග කුමාරගේ ගත කළ කාලය තත්. 45.92 කි. මංතීරු අංක 05 යටතේ තරග වදිමින් ප්රථම ස්ථානය තහවුරු කර ගැනීමට කාලිංග කුමාරගේ සමත් වන අතර වාරයේ දී දෙවන ස්ථානය හිමිකර ගැනීමට ඉටෝ රිකායෝ සමත් වූයේ තත්. 46.09 ක දක්ෂතාවයක් ප්රදර්ශනය කරමිනි. තත්. 46.61 කින් තරගය නිමා කළ මසාටෝ මෝරී ට තෙවන ස්ථානයෙන් සෑහීමට පත්වන්නට සිදු විය.
කාන්තා මීටර් 400 ඉසව්වට සහභාගි වූ නදීෂා රාමනායකට සිව් වැනි ස්ථානය හිමි විය. නියමිත දුර ප්රමාණය නිමා කිරීමට නදීෂා රාමනායකට ගතවූ කාලය තත්. 54.02 කි.
එකී ඉසව්වේ ඉහළම දක්ෂතාව සටහන් වූයේ 53.56 ක් ලෙසිනි.
ආසියාතික වාර්තා ලාභී තරුෂී කරුණාරත්න ඊයේ (12) කාන්තා මීටර් 800 ඉසව්වට අසනීප තත්ත්වයක් හේතුවෙන් සහභාගි නොවූ බව වාර්තා වේ. එම ඉසව්ව ජයගැනීමට රින් කුබෝ හට ගත වූ කාලය මිනිත්තු 02.05.11 කි.
- අනුරුද්ධ හේරත් බණ්ඩාර