අධිවේගී මාර්ගයට යතුරුපැදියක් ධාවනය කර රිය අනතුරක් සිදුකළ බවට පොලිස් කොස්තාපල්වරයෙකු දක්ෂිණ අධිවේගී මාර්ග රථවාහන පොලීසිය මඟින් අත්අඩංගුවට ගෙන තිබේ. සැකකාර පොලිස් කොස්තාපල්වරයා බීමතින් සිට ඇති බවට අනාවරණය වී ඇති බව පොලීසිය පැවසුවේය. කොතලාවල පිවිසුමෙන් අධිවේගී මාර්ගයට සිය යතුරුපැදිය ඇතුළු කර ඇති ඔහු පොලිස් අණ නොතකා කොට්ටාව දෙසට ගමන් කර යළි යතුරුපැදිය හරවා කඩවත දෙසට ගමන් කිරීමේ දී මෝටර් රථයක ගැටී අනතුරට ලක්ව ඇති බව සඳහන්ය. සැකකාර පොලිස් කොස්තාපල්වරයා අධිවේගී මාර්ගයේ කිලෝමීටර් දෙකක පමණ දුරක් සිය යතුරුපැදිය ධාවනය කර ඇති බව පොලීසිය පැවසුවේය. අනතුරින් මෝටර් රථයට හා යතුරුපැදියට හානි සිදුව තිබේ. බෙම්මුල්ල පොලිස් ස්ථානයට අනුයුක්ත අත්අඩංගුවට ගත් පොලිස් කොස්තාපල්වරයා සම්බන්ධයෙන් සපුගස්කන්ද පොලීසිය වැඩිදුර විමර්ශන සිදුකරයි.
Subscribe
0 Comments
Inline Feedbacks
View all comments
සබැඳි පුවත්
- 2 years ago
මහා සංඝරත්නය ගාලු මුවදොර විරෝධතා භූමියට
- 4 months ago
හෝමගම අවට ජනතාවට විශේෂ නිවේදනයක් . . .
- 9 months ago
පාසල් කාලය දක්වා දීර්ඝ කරයි . . .
- 3 months ago
අනතුර අවස්ථාවේ කිසිම වාහනයක් ඉස්සර කර නෑ . . .
- 2 years ago
ගෝඨාභය යළි දිවයිනට . . .