QR ක්‍රමවේදය සහ කෝටා ක්‍රමය යටතේ ඉන්ධන නිකුත් කිරීම අද (01) සිට ආරම්භ කර ඇති බව වාර්තා වේ. ඒ අනුව QR ක්‍රමවේදයට අනුගත වූ ඉන්ධන පිරවුම්හල් සඳහා ඉන්ධන බෙදා හැරීමේදී ප්‍රමුකතාවය ලබාදෙන බවද බලශක්ති අමාත්‍යශය ප්‍රකාශ කරයි. එමෙන්ම විදුලි ජනක යන්ත්‍ර,උද්‍යාන උපකරණ,යන්ත්‍රෝපකරණ, ඉන්ධන අවශ්‍ය අනෙකුත් උපකරණ සඳහා ඉන්ධන ලබා ගැණීම සඳහා ප්‍රාදේශීය ලේඛම් කාර්යාලවල ලියාපදිංචි විය යුතු වේ.
නැවත නැවත වැරදි කරන්නන්ගේ QR ප්‍රවේශය තාවකාලිකව අවහිර කිරීමට මහජනතාවගෙන් ලබාගන්නා සාක්ෂි යොදා ගන්නා බව නිවේදනයක් නිකුත් කරමින් විදුලිබල හා බලශක්ති අමාත්‍යාංශය සඳහන් කර ඇත. එම අමාත්‍යාංශය සඳහන් කර තිබුණේ, නීතිවිරෝධී ලෙස ඉන්ධන ගබඩා කිරීම, විකුණූම් කටයුතු හෝ ඉන්ධන ලබාදීමේ දී ලබාදී ඇති උපදෙස් පිළිනොපදින ඉන්ධන පිරවුම්හල් සහ පුද්ගලයින් පිළිබඳ ඡායාරූප හෝ වීඩියෝ සාක්ෂි වට්ස්ඇප් හරහා 0742 123 123 යන අංකය වෙත යොමු කළ හැකි බවයි.
මේ අතර, දිවයින පුරා ඉන්ධන පිරවුම්හල්වලින් තමන්ට වෙන්කර ඇති කෝටාව ලබාගැනීමට සතියක කාලක් තිබෙන බැවින්, සඳුදා දිනයේම ඉන්ධන පිරවුම්හලට එකතුවී තදබදයක් ඇති නොවන ලෙස කටයුතු කරන ලෙස ද අමාත්‍යාංශය ජනතාවගෙන් වැඩිදුරටත් ඉල්ලා සිටී.
Janamina Sri Lanka Rupee Exchange Rate