ඉන්ධන තොග නොලැබීම නිසා කොළඹ සහ ප්‍රදේශ රැසක ඉන්ධන පිරවුම්හල් රැසක් තාවකාලිකව වසා දමා තිබේ. දින දෙකක පමණ සිට නැවත වරක් ඉන්ධන පිරවුම්හල් අසළ රථවාහන පෝලිම් නිර්මාණය වී ඇත. මේ අතර මගී ප්‍රවාහන පෞද්ගලික බස්රථ සඳහාත් ඩීසල් නොමැතිවීමෙන් ලංගම ඩිපෝ අසළ එම බස් රථ දිගු පෝලිම් දක්නට ලැබේ. විශේෂයෙන්ම ඩීසල් ලබා ගැනීම සඳහා මෙසේ පෝලිම් නිර්මාණය වී ඇත.
මේ වාතාවරණය යටතේ බස්රථ ධාවනය සීමා වීමෙන් දිවයිනේ ප්‍රදේශ කිහිපයක මගීන් සහ පාසල් සිසුන් අපහසුතාවයට පත්වුණි.
මේ අතර ඉන්ධන පෝලිම් අවම කිරීමේ අරමුණෙන් හඳුන්වා දුන් ජාතික ඉන්ධන අවසර පත්‍රය හෙවත් QR ක්‍රමවේදය, පවතින ඉන්ධන අර්බුදයට නිශ්චිත විසදුමක් නොවන බව විෂය භාර ඇමති කංචන විජේසේකර පවසයි.
Janamina Sri Lanka Rupee Exchange Rate