ඩෙන්මාර්කයේ කෝපන්හේගන් අගනුවර ඉරාක තානාපති කාර්යාලය ඉදිරිපිට ඩෙන්මාර්ක ජාතික විරෝධතාකරුවෝ දෙදෙනෙක් ශුද්ධ වූ කුරානයේ පිටපතකට ගිනි තැබූහ.
කුරානයේ පිටපතක් මෙසේ ගිනි තැබුවේ, ‘ඩෙන්මාර්ක දේශප්‍රේමියෝ’ නමැති සංවිධානයේ ක්‍රියාකාරීන් දෙදෙනෙකි. කුරානයේ පිටපත ගිනි තබද්දී ඒ අසල බිම ඉරාක ධජයක් ද තබා තිබුණි. විරෝධතාකරුවන් මෙසේ කුරානයේ පිටපතක් ගිනි තැබීම කළේ නිදහසේ අදහස් ප්‍රකාශ කිරීමට අයිතිය ඇතැයි පෙන්වා දෙමිනි.
මෙම සිද්ධිය සම්බන්ධයෙන් ඉරාක විදේශ අමත්‍යාංශය යුරෝපා සංගමයට දැනුම් දී ඇත්තේ, නිදහසේ අදහස් ප්‍රකාශ කිරීමට අයිතිය ඇතත්, ශුද්ධ වූ කුරානයේ පිටපත් ගිනි තැබීම කිසිසේත් අනුමත කළ නොහැකි බවය.
Janamina Sri Lanka Rupee Exchange Rate