මේ දිනවල ඉන්දියාවේ දී පැවැත්වෙන ලෝක ක්රිකට් කුසලානයේ අවසන් මහා තරඟය වෙනුවෙන් අහමදාබාද් ගුවන්තොටුපොල විශේෂ ගුවන් ගමන් සැලැස්මක් ක්රියාත්මක කරන බව නිවේදනය කර තිබේ.
ඉදිරි සතියක කාලය තුල ගමන් වාර 787 ක ප්රමාණයක් ගුවන්තොටුපොල හරහා ක්රියාත්මක වීමට නියමිත බවත් ඒ අතරට දේශිය සහ විදේශිය ගුවන් සමාගම් වලට අයත් යානා පවතින බව ද එහි වැඩිදුරටත් සඳහන්.
එමෙන්ම පවතින අධික ඉල්ලුම හේතුවෙන් ගුවන් ටිකට්පත් ගාස්තු ද සීඝ්ර ඉහළ යාමකට ලක්ව තිබීම ගුවන් සමාගම් වලට අමතර ආර්ථික වාසියක් අත්කර දෙන්නක් වන අතරම එය 110% සිට 130% දක්වා අගයක් ගන්නා බව වාර්තා වී තිබුණි.
ඉදිරි සතියක කාලසීමව තුල අහමදාබාද් වෙත ඉහළතම ගමන් වාර ක්රියාත්මක කරන ගුවන් සමාගම ලෙස ඉන්ඩිගෝ පසුවන්නේ 50% කින් තම ගමන් වාර ප්රමාණය ඉහළ දමමින්.
එසේම ආරම්භක තරඟයේ ටිකට්පත් ගාස්තු ඉහළ යාම 410% ක සීමාවට ලඟාවීම ඉන්දීය ගුවන් ප්රවාහන ඉතිහාසයේ ගාස්තු ක්ෂණිකව ඉහළ යාම වාර්තා වූ එක් විශේෂ අවස්ථාවක් ලෙස විශ්ලේෂකයන් පවා හඳුන්වා දී තිබුණි.
මෙවර ද ලෝක කුසලාන තරඟාවලියේ නිල ගුවන් ගමන් සන්නාමය ලෙස එමිරේට්ස් කටයුතු කරයි.
එංගලන්ත කණ්ඩායම ඉන්දියාව බලා පැමිනීමේ දී පැය 38 කට අධික කාලයක් ගෙවා දැමීමට සිදුවීම පිළිබඳව බොහෝ දෙනාගේ කථා බහට ලක්වූ අතර ක්රීඩකයන් සාමාන්ය මගීන් අතර පිරිමැසුම්දායි පන්තියේ ආසන වල ගමන් කරවීමට සලස්වා තිබීම ද දැඩි දෝශදර්ශණයට ලක්ව තිබූයේ ඉන්දීය ලෝක කුසලාන පිපාසාව සංසිදුවා ගැනීම වෙනුවෙන් ක්රියාත්මක වූ එක් අවස්ථාවක් ලෙසයි.
කෙසේවෙතත් සමස්ථයක් ලෙස ගත් කල ඉන්දියානු සංචාරක, ප්රවාහන, ගුවන්සේවා ඇතුළු ක්ෂේත්ර ගනනාවකට මෙම ලෝක කුසලානය ආර්ථික ජවයක් දුන් බව ආර්ථික විශ්ලේෂන උපුටා දක්වා තිබුණි.
නිලන්ත තෙන්නකෝන්