පවතින අයහපත් කාලගුණික තත්ත්වය හේතුවෙන් මඩකලපුව සිට කොළඹ කොටුව අතර දුම්රිය මාර්ගයේ වාලච්චේන හා පූනානි අතර දුම්රිය මාර්ගය අඩි එකහමාරක් පමණ උසට ජලයෙන් යට වී තිබේ.
මේ හේතුවෙන් අද (10) උදැසන මඩකලපුවෙන් කොළඹ බලා ධාවනය වු දුම්රිය වාලච්චෙන දුම්රිය ස්ථානයේ නවත්වනු ලැබු අතර ගල්ඔය හන්දියේ සිට මඩකලපුව දක්වා ධාවනය වු දුම්රිය පුනානි දක්වා සීමා කිරීමට සිදුවු බව දුම්රිය පාලක මැදිරිය පැවසුවේය.
මඩකලපුව දුම්රිය කොළඹ දක්වා ධාවනය නොවීම නිසා මඩකලපුව දුම්රිය අපේක්ෂාවෙන් කොළඹ බලා යාමට ත්රිකුණාමලය සිට දුම්රියෙන් ගල්ඔය හන්දියට පැමිණි මගීන්ට වෙනත් දුම්රියක් ධාවනය වනතුරු පැය ගණනාවක් බලා සිටිමට සිදු වූ බවයි වාර්තා වේ.
- aruna