වෙළෙඳපොළේ එළවළු මිල අඩුවී තිබුණ ද බිත්තරයක සිල්ලර මිල රුපියල් 70 දක්වා ඉහළ ගොස් ඇතැයි වෙළෙඳපොළ ආරංචි මාර්ග පවසයි.
වෙළෙඳපොළ ආරංචි මාර්ග සඳහන් කළේ, පසුගිය කාලයේදී රුපියල් 3,000ක්වූ කැරට් කිලෝවක් ඊයේ (පෙබ. 18) වනවිට වෙළෙඳපොළේ රුපියල් 500ක් දක්වා පහළ බැස ඇති බව ත් බෝංචි කිලෝවක් රුපියල් 550, ගෝවා රුපියල් 300, ලීක්ස් රුපියල් 200, වම්බටු රුපියල් 150, තලනබටු රුපියල් 110ක් සහ රාබු, නෝකෝල් සහ කෙසෙල්මුව රුපියල් 50ක් වැනි අගයක් දක්වා පහත වැටී ඇති බව ත් ය.
ආර්ථික මධ්යස්ථාන වෙත විවිධ ප්රදේශවලින් එළවළු විශාල වශයෙන් ලැබෙන බව ත් වෙළෙඳුන්ගේ පැමිණීම අඩු වී ඇති බව ත් දඹුල්ල ආර්ථික මධ්යස්ථානයේ තොග වෙළෙන්දෝ පැවැසූහ.
බිත්තර මිල ඉහළ යාමට කිසිදු හේතුවක් නැති අතර පසුගිය සතියේ බිත්තරයක තොග මිල රුපියල් 58ක් වී ඇති අතර එළඹෙන සතිය වන විට බිත්තරයක සිල්ලර මිල බොහෝවිට රුපියල් 58ක් දක්වා පහත යනු ඇතැයි ද සමස්ත ලංකා බිත්තර වෙළෙඳ සංගමයේ ලේකම්වරයා සඳහන් කළේ ය.
ඔහු වැඩිදුරට ත් සඳහන් කළේ, එළවළු, මස් සහ මාළු මිල ශීඝ්රයෙන් පහත බැසීම නිසා බිත්තරයක තොග මිල රුපියල් 52 දක්වා අඩු කිරීමට ඉඩ ඇති බව ය.
- ඉරෝෂා දීපානි, සමන් නැදුන්ගමුව – බොරලන්ද
- ඩී.එම්.ඩී. සිසිර – නව තිස්පනේ