අනුරාධපුර පොලිස් කොට්ඨාස අපරාධ විමර්ශන ඒකකයට ලැබුණු තොරතුරකට අනුව අනුරාධපුර, ශ්රාවස්තිපුර ප්රදේශයේදී ඊයේ (20) සවස මෙම ජාවාරම්කාරිය හා ඇගේ සැමියා පොලිසිය විසින් අත්අඩංගුවට ගෙන තිබේ.
මේ සම්බන්ධයෙන් විමර්ශන ක්රියාත්මක කරන අනුරාධපුර පොලිසිය පවසන්නේ දැනට බූස්ස අධිආරක්ෂිත බන්ධනාගාරයේ සිටින ‘ රැවුල් කුමාර හා ගලහා කුමාර ‘ අනුවර්තන නම්වලින් හඳුන්වනු ලබන M.G.මහින්ද කුමාර හා කොස්ගොඩ තාරකගේ සොහොයුරුකු වන කොස්ගොඩ සුජීව යන ජාවාරම්කරුවන්ගේ අනුරාධපුර දිස්ත්රික්කයේ අන්තර්ජාලය මගින් හෙරොයින් ජාවාරම මෙම ‘ අක්කා ‘ නමින් හඳුන්වන කාන්තාව වසරක පමණ කාලයක් පුරා සිදු කරමින් ගොස් ඇති බවයි.
මෙම කාන්තාව හා බූස්ස බන්ධනාගාරයේ එම මත්ද්රව්ය ජාවාරම්කරුවන් දෙදෙනා අතර දුරකථන සංවාද සිදුවන බවද අනාවරණය කරගෙන ඇති බව පොලිසිය පවසයි.
මෙම කාන්තාව හා ඇගේ සැමියා අද (21) අධිකරණයට ඉදිරිපත් කිරීමට නියමිත අතර රැදවුම් නියෝග ලබාගෙන මෙම ජාවාරම සම්බන්ධයෙන් වැඩිදුර විමර්ශන ක්රියාත්මක කිරීමට කටයුතු කරන බව ද අනුරාධපුර පොලිසිය පවසයි.
![](https://www.janamina.com/wp-content/uploads/2024/02/drugs-chocolates-300x169.webp)