බළන්ගොඩ නගර සභාවේ ශ්රී ලංකා නිදහස් පක්ෂ මන්ත්රීවරයෙකු විසින් මාසික සභා රැස්වීමට රම්බෝ වර්ගයේ උල් පිහියක් රැගෙන ප්රදර්ශනය කිරීමෙන් නොසන්සුන් තාවයක් ඇතිවී තිබේ. ඊයේ (13) දින පැවති එම නගර සභාවේ මාසික රැස්වීම නගරාධිපති වසන්ත කුමාර ගුණරත්නගේ ප්රධානත්වයෙන් පැවැත් වී ඇත ඊට සහභාගි වූ අදාළ මන්ත්රීවරයා තම සරමට යටින් කකුලේ ගසා තිබූ උල් පිහිය සභාවට ප්රදර්ශනය කර ඇත. එම අවස්ථාවේ වෙනත් මන්ත්රීවරයකු ඔහුගෙන් පිහිය ඉල්ලාගෙන සන්සුන් කර තිබේ.
මන්ත්රීවරයා පිටව ගිය පසු අදහස් දැක්වූ මන්ත්රීවරුන් පෙන්වා දී ඇත්තේ ජේෂ්ඨ මන්ත්රීවරුන් සභාවට අවිආයුධ රැගෙන පැමිණීම තම ජීවිතවලට මහත් තර්ජනයක් බවයි.