දරුවන්ගේ ශ්වසන රෝග ඇතුළු බැක්ටීරියා ආසාදන සඳහා භාවිත කරන ‘කෝ ඇමොක්සික් ලෙව්’ නමැති ප්‍රතිජීවක ඖෂධයේ තවත් කාණ්ඩ තුනක් භාවිතයෙන් ඉවත් කිරීමට සෞඛ්‍ය අමාත්‍යාංශය තීරණය කර තිබේ.
ශ්‍රී ලංකාවේ නිෂ්පාදන සමාගමට අයත් මෙම ප්‍රතිජීවක ඖෂධ කාණ්ඩ තුන තත්ත්වයෙන් බාල බව තහවුරු වීම නිසා භාවිතයෙන් ඉවතට දමා ඇතැයි සෞඛ්‍ය අමාත්‍යාංශය සඳහන් කළේ ය.
අදාළ ඖෂධ කාණ්ඩ තුන භාවිතයෙන් වහාම ඉවත් කරන ලෙස වෛද්‍ය සැපයුම් අංශය සියලුම රෝහල්වලට දැනුම් දී තිබේ.
මෙම ප්‍රතිජීවක ඖෂධය ශ්වසන පද්ධතිය ආශ්‍රිත රෝග ඇතුළු බැක්ටීරියා රෝග සඳහා ශ්‍රී ලංකාවේ රෝහල් පද්ධතිය තුළ බහුල වශයෙන් භාවිත කරන අතර වැඩි වශයෙන් ම ළමා රෝග ආසාදනවලදී පළමු පෙළ ඖෂධයක් ලෙස දැනට භාවිත වන්නක් බව ද වාර්තා වේ.
මෙලෙස සෞඛ්‍ය අමාත්‍යාංශය, ඖෂධ නියාමන අධිකාරිය හා වෛද්‍ය සැපයුම් ඒකකය අතර කඹ ඇදීමෙන් මියයන මිනිස් ජීවිතවලට වගකියන්නේ කවුරුන් ද යන්න තමා ප්‍රශ්න කරන බව ද වෛද්‍ය හා සිවිල් අයිතිවාසිකම් පිළිබද වෛද්‍යවරුන්ගේ වෘත්තීය සමිති සන්ධානයේ සභාපති වෛද්‍ය චමල් සංජීව පැවසීය.
හොරණ ප්‍රදේශයේ සමාගමක් මගීන් නිෂ්පාදනය කරන මෙම ප්‍රතිජීවක ඖෂධය තත්ත්වයෙන් බාල බව තහවුරු වීම නිසා මීට පෙර ද භාවිතයෙන් ඉවත් කළ බව ත් ලෝක සෞඛ්‍ය සංවිධානයෙන් අදාළ ඖෂධය සම්බන්ධව පර්යේෂණ වාර්තාවක් කර මීට පෙර ඉල්ලා සිටිය ද එය ලැබී නොමැති බව ත් ඔහු සඳහන් කළේ ය.
- Mithun Jayawardhana
Janamina Sri Lanka Rupee Exchange Rate