චීනයේ විදේශ අමාත්යාංශය, හිටපු විදේශ අමාත්ය චිං ගන්ග් බීජිංහිදී එක්සත් ජනපද රාජ්ය ලේකම් ඇන්ටනි බ්ලින්කන් සමග පැවති හමුව පිළිබඳ තොරතුරු ඇතුළු ඔහුගේ සියලු ක්රියාකාරකම් සම්බන්ධ විස්තර සිය වෙබ් අඩවියෙන් ඉවත් කර ඇතැයි සී.එන්.එන් පුවත් වාර්තා කරයි.
චිංගේ පූර්වගාමියා වැන්ග් යී යළි විදේශ අමාත්ය ධුරයට පත් කිරීමත් සමග මෙම මකා දැමීම සිදුව තිබේ.
කිසිදු පැහැදිලි කිරීමකින් තොරව ජුනි මස අගදී චිං අතුරුදන්වීමෙන් සති කිහිපයකට පසු ඔහු අමාත්යධූරයෙන් නෙරපා හැරි බව වාර්තා විය.
චිං ගේ වේගවත්, මාස හයක විදේශ අමාත්ය ධුර කාලය සම්පූර්ණයෙන් මකා දැමීම සහ පසුගිය වසරේ අගභාගයේදී උසස්වීමක් ලැබීමට පෙර දළ වශයෙන් දශකයක් පමණ එම තනතුර දැරූ වැන්ග් ඔහු වෙනුවට පත් කිරීම, චීනයේ දේශපාලන අභිරහස් ගැඹුරු කර ඇත.
චිං සිටින ස්ථානය, ඔහු ඉවත් කිරීමට හේතුව සහ චීනයේ කොමියුනිස්ට් පක්ෂයේ සාමාජිකයෙකු ලෙස ඔහුගේ අවසාන ඉරණම තවමත් නොදන්නා බවද සී.එන්.එන් පුවත් වාර්තා කරයි.