පසුගිය පැය 24 තුළ හමාස් සටන්කාමීන් ඉලක්ක කර ගනිමින් ගාසා තීරයේ ස්ථාන සිය ගණනකට ප්රහාර එල්ල කළ බව ඊශ්රායල් හමුදාව පවසයි.
ඊශ්රායලය තම දේශසීමා හරහා ගාසා තීරයට ජලය, විදුලිය සහ ඉන්ධන සැපයීම අවහිර කිරීම හා ප්රහාර එල්ල කිරීම නිසා ගාසා ජනතාව දැඩි අපහසුතාවට පත් වී සිටිති.
ඊජිප්තු ජනාධිපති අබ්දෙල් ෆාටා අල් සිසී සඳහන් කරනුයේ, ගාසා ජනතාවට මානුෂීය ආධාර ලබා දීමට ඊජිප්තුවේ රෆා හරස් මාර්ගය හරහා ඉඩ ලබා දෙන බව ත් එහි පළමු පියවර වශයෙන් ගාසා වැසියන්ට මානුෂීය ආධාර රැගෙන ලොරි රථ 20ක් සිකුරාදා දින රෆා හරස් මාර්ගය හරහා ගමන් කිරීමට අවසර ලබා දී ඇති බව ත් ය.
ඊයේ (ඔක්. 18) අමෙරිකානු ජනාධිපති ජෝ බයිඩ්න්ගේ ඊශ්රායල සංචාරයෙන් පසුව ඊජිප්තු ජනාධිපති අතර ඇති වූ එකඟතාවකට අනුව මෙම ක්රියාමාර්ගය ගෙන ඇත.
ඊශ්රායල් අගමැති බෙන්ජමින් නෙතෙන්යාහු සඳහන් කරනුයේ, ඊජිප්තුවේ සිට ගාසා තීරයට මානුෂීය ආධාර ලබා දීමට බාධා නොකරන බව ත් ඊශ්රායල් දේශ සීමා හරහා ගාසා තීරයේ ජනතාවට කිසිදු ආධාරයක් ලබා දීමට ඉඩ නොදෙන බව ය.
එසේ ම, බ්රිතාන්ය අගමැති රිෂී සුනක් ඊශ්රායලයට පැමිණ ඇති බව විදෙස් මාධ්ය වාර්තා කරයි.
එම මාධ්ය වාර්තා සඳහන් කරනුයේ, බ්රිතාන්ය අග්රාමාත්යවරයා ඊශ්රායලයේ දින දෙකක සංචාරයක් සඳහා පැමිණ සිටින අතර එම කාලය තුළ ඔහු වෙනත් රටවල සංචාරය කිරීමට ද බලාපොරොත්තු වන බව ය.
ඔහු ඊශ්රායලයට පැමිණ ඇත්තේ, ඇමරිකානු ජනාධිපති ජෝ බයින්ඩ් ඊශ්රායලයට ගොස් දවසකට පසුව ය.
ගාසා තීරයේ, ගාසා නගරයේ රෝහලක සිදු වූ පිපිරීමෙන් පුද්ගලයන් 471 දෙනෙකු මිය ගොස් ඇතැයි ගාසා බලධාරීන් ප්රකාශ කර තිබේ.
පලස්තීන බලධාරීන් සඳහන් කරනුයේ, ගාසාහි අල් අහ්ලි ක්රිස්තියානි රෝහලට එල්ල වූ ගුවන් ප්රහාරයට ඊශ්රායලය වග කිව යුතු බව ය.
- Anjali Withanage